नीलकण्ठ क्याम्पसको २४ औं स्थापना दिवस मनाइयो

नीलकण्ठ बहुमुखी क्याम्पसको २४ औ स्थापना दिवस विविध कार्यक्रम गरी मनाइएको छ ।

धादिङ क्षेत्र नं २ का संघिय साँसद एवं क्याम्पस संचालक समितिका निवर्तमान अध्यक्ष रामनाथ अधिकारीको प्रमुख आतिथ्यता तथा प्रदेश साँसद गोविन्द लंसालको विशेष आतिथ्यतामा स्थापना दिवस मनाइएको हो ।

स्थापना दिवस समारोहमा स्थानीय भद्रभलाद्मीहरु, समाजसेवीहरु राजनितिदलका प्रतिनिधिहरुको सहभागीता रहेको थियो ।

कार्यक्रममा क्याम्पसमा अध्ययनरत विद्यार्थीहरुले नृत्य तथा गीत प्रस्तुत गर्नुका साथै क्याम्पस संचालक समितिका अध्यक्ष शम्भु कुमार श्रेष्ठले केक काटेर अतिथिहरुलाइ खुवाउनुभएको थियो ।

कार्यक्रमकै अवसरमा नीलकण्ठ बहुमुखी क्याम्पसको बार्षिक मुखपत्र नीलकण्ठ श्रीको तेश्रो वर्षको अंक विमोचन गरिएको थियो ।

समारोह कै अवसरमा २०७५/२०७८ ब्याचका ब्यवस्थापन संकाय टपर आभाष मिश्र र शिक्षा शास्त्र संकाय टपर विवेचना सिलवाललाइ सम्मान गरिएको थियो ।