हरितालिका तीजको अवसरमा स्ववियुद्धारा नृत्य प्रतियोगीताको आयोजना

नीलकण्ठ बहुमुखी क्याम्पस स्वतन्त्र विद्यार्थी युनियनको आयोजनामा नेपाली महिलाहरुको चाड हरितालिका तीजको अवसरमा खुल्ला नृत्य प्रतियोगीता सम्पन्न भएको छ । 
विद्यार्थीहरुको प्रतिभा प्रस्फुटन गराउने तथा अतिरिक्त क्रियाकलापमा सहभागी गराउने उद्देश्यलेले उक्त प्रतियोगीताको आयोजना गरिएको स्वतन्त्र विद्यार्थी युनियन नीलकण्ठ बहुमुखी क्याम्पसका सचिव राजन अधिकारीले जानकारी दिनुभयो ।

शुक्रबार सम्पन्न भएको प्रतियोगितामा प्रथम, द्धितीय, तृतीय र सान्त्वना हुने समुहलाई क्रमश नगद २ हजार, १५ सय, एक हजार र ५ सय सहित प्रमाण पत्र वितरण प्रदान गरिएको छ ।

स्वतन्त्र विद्यार्थी युनियन नीलकण्ठ बहुमुखी क्याम्पसका सभापति कविराज श्रेष्ठको अध्यक्षतामा सम्पन्न प्रतियोगितामा क्याम्पस प्रमुख नवराज शर्माको प्रमुख आतिथ्यता रहेको थियो । साथै स्ववियुले सम्पूर्ण हिंन्दु नेपाली महिलाहरुलाई हरितालिका तीजको शुभकामना समेत दिएको छ ।